जातीच्या आधारावर राज्य निर्मितीला मौलाना आझादांनीच विरोध केला होता 

 प्रा.डॉ.अब्दुस सलाम :  मौलाना आझाद व्याख्यानमालेचे दुसरे पुष्प

नगर - देशाची फाळणीला ज्याप्रमाणे मौलाना आजाद यांनी प्रखर विरोध केला होता. त्याचप्रमाणे फाळणीनंतर देशात जातीच्या आधारावर निर्माण होणार्‍या राज्यांनाही मौलानांनी कडाडून विरोध दर्शविला होता.मौलाना आजादांना देशाच्या फाळणीचे दु:ख संपत नव्हते तर देशात जातीच्या संख्याबळाप्रमाणे राज्य निर्मितीचा मुद्दा पुढे येताच मौलानांनी विरोध करुन ते हाणून  पाडले. व देशात भाषेच्या आधारावर राज्यांची निर्मिती करण्यात आली. 

       मौलाना हे जाणून होते की, या देशात धर्माच्या आधारावर राज्य निर्माण झाल्यास आराजकता वाढेल व दोन समाजात अगोदरच फाळणीमुळे दरी वाढलेली होती, त्यात अजून भर पडली असती, असे मौलानांना वाटत होते. त्यामुळेच जाती वर आधारीत राज्यची निर्मिती न होता; ती भाषावार झाली, असे मोहम्मदीया एज्युकेशन सोसायटीचे संस्थापक व प्रमुख कार्यवाह प्रा डॉ अब्दुस सलाम सर यांनी मौलाना आझाद व्याख्यानमालेचे दुसरे पुष्प गुंफताना केले.

मखदूम सोसायटीच्यावतीने मौलाना आजाद यांच्या 136 व्या जयंतीनिमित्त आयोजित कौमी एकता सप्ताह मध्ये दुसरे व्याख्यानमाला आलमगीर येथील मातोश्री उर्दू हायस्कूल व अलहाज शेख अब्दुल अजीज ज्युनियर कॉलेज ऑफ आर्टस् मध्ये आयोजित करण्यात आली होती. 

यावेळी प्रमुख पाहुणे म्हणून अहमदनगर जिल्हा उर्दू साहित्य परिषदेच्या सहसचिव डॉ कमर सुरुर, मखदूम एज्युकेशन अँड वेल्फेअर सोसायटीचे अध्यक्ष आबीद दूल्हेखान, मुख्याध्यापक जमीर शेख, प्रा डॉ. एजाज शेख, आफरीन शेख, नसरीन तांबोली, मुज्जंमील शेख आदि मान्यवर उपस्थित होते.

कार्यक्रमाची सुरुवात मुनीरा शेख यांच्या कुराण पठणाने झाली. तर हम्द खुतेजा सय्यद यांनी सादर केली. नातेपाक कैस शेख यांनी प्रस्तुत केली. मदीहा व इतर विद्यार्थिनींनी स्वागत गीत सादर करून उपस्थितांची मने जिंकली.कार्यक्रमाचे सूत्रसंचालन निशात खान व शेख अंजुम यांनी केले. तर प्रास्तविक आबीद खान यांनी केले. आभार अंजुम शेख यांनी मानले .