मनपा पतसंस्थेने सभासदांच्या आरोग्याची काळजी घेतली  

 चेअरमन बाळासाहेब पवार : महानगरपालिका   पतसंस्थेच्या वतीने  दुर्धर आजाराच्या उपचारासाठी आर्थिक मदतीचा धनादेश सुपूर्त

नगर : मनपा कर्मचारी पतसंस्था नेहमीच सभासदांच्या हितासाठी काम करत असून त्यांच्या पाठीमागे भक्कमपणे उभे आहे, अडीअडचणीच्या काळामध्ये  सभासदांच्या आरोग्याची तात्काळ तपासणी करून आजाराचे निदान झाल्यास डॉक्टरांना वेळेवर उपचार करता येत असते यासाठी पतसंस्थेच्या वतीने 25 हजाराची आर्थिक मदत केली जाते सभासद बांधव कधी कधी आपल्या आर्थिक परिस्थितीमुळे आजारपण अंगावर काढत असतात आणि वेळेवर उपचार व निदान न झाल्यास एखाद्या गंभीर आजाराला सामोरे जावे लागते हे होऊ नये यासाठी पतसंस्थेने एक पाऊल टाकत  सभासदांच्या आरोग्याची काळजी घेण्याचे काम केले आहे, सभासदांच्या जोरावर अहमदनगर मनपा कर्मचारी सहकारी स्व भांडवली झाली आहे असे प्रतिपादन पतसंस्थेचे चेअरमन बाळासाहेब पवार यांनी केले

      अहमदनगर महानगरपालिका कर्मचारी सहकारी पतसंस्थेच्या वतीने सभासदाच्या दुर्धर आजाराच्या उपचारासाठी सभासद विश्वनाथ बबन वाघमारे यांना आर्थिक मदतीचा धनादेश सुपूर्त करताना चेअरमन बाळासाहेब पवार, व्हा. चेअरमन सोमनाथ सोनावणे समवेत ज्येष्ठ संचालक जितेंद्र सारसर, बाबासाहेब मुदगल, सतीश ताठे, बाळासाहेब  गंगेकर, किशोर कानडे, श्रीधर देशपांडे, अजय कांबळे, गुलाब गाडे , कैलास चावरे , बलराज गायकवाड, विकास गीते, विजय कोतकर, संचालिका प्रमिला पवार, उषा वैराळ,कार्यलक्ष्मी संचालक आनंद तिवारी आदी उपस्थित होते.

    सभासद विश्वनाथ बबन वाघमारे यांनी सांगितले की, मनपा कर्मचारी पतसंस्थेने नेहमीच सभासदांच्या हितासाठी काम केले आहे, सभासदांच्या आजारपणावरील उपचारासाठी आर्थिक सहाय्य केले जात असून अडीअडचणीच्या काळात पतसंस्था सभासदांच्या मागे उभे राहते पाल्यांचे शिक्षण, लग्नकार्य यासाठी तात्काळ कर्ज रुपी अर्थसहाय्य दिले जाते हे कौतुकास्पद आहे असे ते म्हणाले.